គួរបិទ Autorun ដើម្បី​បញ្ចៀស​​ការ​ឆ្លង​មេរោគ​ដោយ​មិន​ដឹងខ្លួន

និងដំណោះស្រាយ លោកអ្នកដែលនិយមការប្រើប្រាស់ប្រព័ន្ធប្រតិបត្តិការវីនដូ តែងតែមានបញ្ហាទាក់ទងនឹងមេរោគនេះជាមិនខាន ហើយក៏គ្មាននរណាម្នាក់ចង់ជួប ឬបណ្តោយ ឲ្យវាវាយប្រហារងាយៗនោះទេ។ ដូច្នេះសំបុកអាយធី សូមលើកយកវិធីដ៏ងាយស្រួលមួយ ក្នុងការការពារពីការវាយប្រហាររបស់មេរោគ ដោយគ្រាន់តែ ធ្វើការបិទ Autorun កុំឲ្យ​វាបើក​ឡើង​ដោយ​ស្វ័យប្រវត្តិ ពោល​គឺ​មិនមាន​ការ​អនុញ្ញាត ដែលនេះ ជា​អ្វីដែល​អ្នកបង្កើត​មេរោគ​ចូលចិត្ត និងនិយមក្នុងការបង្កើត ដើម្បីវាយប្រហារមកកាន់ពួកយើង។ ហើយរាល់ Autorun នេះទៀតសោតតែងឆ្លងមកតាមរយៈ Flash Drive ហ្នឹងតែម្តង!
សូមអនុវត្តន៍ និងតាមដានពីវិធីងាយៗទៅលើ ប្រព័ន្ធ​ប្រតិបត្តិការ​ពីរ គឺវីនដូអ៊ីចភី និងវីនដូសេវេន ដូចខាងក្រោម៖

របៀបបិទ Autorun

សូមដំណើរការ gpedit.msc ដោយចុចប៊ូតុង Start => Run (ឬចុចគ្រាប់ចុចវីនដូ + r) រួចវាយ gpedit.msc បន្ទាប់មកសូមវាយ Enter ឬចុចប៊ូតុង OK ។

សម្រាប់វីនដូសេវេន:

បន្ទាប់ពីបានវាយរួចហើយ នឹងមានផ្ទាំង Local Group Policy Editor លោតឡើង៖

សូមចុចលើ Administrative Template រួចជ្រើសរើសយក Windows Components ហើយត្រង់ Auto Play Policies សូមចុចពីរដងលើ Turn Off Autoplay។ បន្ទាប់មក នឹងមានផ្ទាំងថ្មីមួយទៀត លោតមក សូមចុចលើ Enable ត្រង់ Turn Off Autoplay on => ចុចរើសយក All Drive => ចុច OK។

សម្រាប់វីនដូអ៊ីចភី

បន្ទាប់ពីមានផ្ទាំងលោត (ដូចខាងលើ) => ចុចលើ Administrative Template => Windows Components => System រួចចុច ២ដងលើ Turn Off Autoplay => ជ្រើសយក Enable ត្រង់ Turn Off Autoplay On => រើសយក All Drive => រួចចុច OK ។